సెప్టెంబర్ 2014

0
Apurupa Website with Health tips, Science facts, Recipes and interview tips in Telugu Language
ఒకటి రెండు గంటలు కూర్చోగానే ఒకసారి లేచి కొద్దిగా అడుగులు వెయ్యడం, అటు ఇటు తిరగడం చాల అవసరం. అలా చేయకపోతే వెన్ను పూసలు, డిస్క్ లు అరిగిపోయే ప్రమాదం ఉంది. సైకిల్‌ను సరిగా పట్టించుకోకపోతే తుప్పు పట్టినట్టే, నడుము పూసలు, డిస్కులు కూడా అంతే. డిస్కులు వయసుతో పాటు క్షీణించే అవకాశం ఉన్నా మనం సరైన జాగ్రత్తలు తీసుకుంటే దీన్ని సాధ్యమైనంత ఎక్కువకాలం వాయిదా వెయ్యవచ్చు.  
ఈ రోజుల్లో చాలమందికి రోజంతా అస్సలు వ్యాయామం చేసే అవకాశం ఉండడం లేదు. ఆఫీస్ లేదా ఇంటిలో ఎప్పుడు కూర్చునే తమ పనులు చేసుకుంటున్నారు. ఇలా ఎక్కువ సేపు కూర్చువడం వల్ల డిస్కుల మీద అత్యధిక భారం పడుతుంది. నడక వల్లగానీ, పనుల వల్లగానీ, సైక్లింగ్‌ వల్లగానీ డిస్కుల మీద భారం పడదు. ఎప్పుడూ కూర్చునే ఉండం వల్ల డిస్కుల మీద తీవ్రమైన ఒత్తిడి పడుతుంది. దీంతో అవి త్వరగా క్షీణించడం ఆరంభిస్తాయి. ఇలా జరగకుండా ఉండాలంటే కండరాలు బలపడేల నడుముకు సంబంధించిన వ్యాయామాలు చేస్తుండాలి. కండరాలు బలపడితే భారాన్ని అవి పంచుకుంటాయి. పూసలు-డిస్కుల మీద ఒత్తిడి తగ్గుతుంది. కదలికలు లేనప్పుడు, డిస్కులు త్వరగా క్షీణించి అవకాశం ఉంది కాబట్టి మెడ-నడుము నొప్పులు రాకుండా ఉండాలంటే నిత్యం మెడ, నడుముకు సంబంధించిన ప్రాథమిక కదలికలు ఉండే వ్యాయామాలు తప్పనిసరిగా చేస్తూండాలి. ఇవన్నీ చేసినా కొందరికి డిస్కులు క్షీణిస్తే అప్పుడు వైద్య నిపుణుల సలహా మేరకు మందులు, ఇంజక్షన్లు వంటి మార్గాలకు వెళ్ళవలసి వస్తుంది.
Continue reading

0
Apurupa Website with Health tips, Science facts, Recipes and interview tips in Telugu Language
తెల్లగా మెరిసే దంతాలు అందాన్నికే కాదు ఇవి జ్ఞాపకశక్తిని కాపాడటానికీ తోడ్పడతాయని పరిశోధకులు చెబుతున్నారు. దంతాల, చిగుళ్ల శుభ్రతకూ అల్జీమర్స్ జబ్బుకూ సంబంధం ఉంటోందని తేలడమే దీనికి నిదర్శనం. తీవ్ర మతిమరుపు (డిమెన్షియా) బరిన పడిన వారు చనిపోయిన తర్వాత వారి మెదడు కణజాలంపై పరిశోధకులు ఇటివల ఒక అధ్యయనం చేశారు. 
డిమెన్షియా బాధితుల మెదళ్లలో పి.జింజివలి అనే బ్యాక్టీరియా ఆనవాళ్లు ఉన్నట్లు ఇందులో తేలింది. తీవ్ర చిగుళ్ల వాపు జబ్బుకు దోహదం చేసే పి.జింజివలి బ్యాక్టీరియా మనం  భోజనం చేసినప్పుడో, పళ్లు తోముకుంటున్నప్పుడో రక్త స్రాహంలో కలిసి, అక్కడి నుంచి అది మెదడుకు చేరుకుంటునట్లు పరిశోధకులు అనుమానిస్తున్నారు. ఈ బ్యాక్టీరియా మెదడుకు చేరుకోని అక్కడ రోగనిరోధక ప్రతిస్పందనను ప్రేరేపిస్తోందని భావిస్తున్నారు. దీంతో మెదడు కణాల నుంచి విడుదలయ్యే రసాయనాలు బ్యాక్టీరియా మీదనే కాదు, నాడీ కణాలు మీదా దాడిచేసి వాటిని దెబ్బతీస్తాయి. ఇది చివరికి డిమెన్షియాకు దారితీస్తుంది. కాబట్టి దీని బరిన పడకుండా ఉండాలంటే నోటి శుభ్రత లో అలసత్వం ఉండకుడదు.
Continue reading

0
Apurupa Website with Health tips, Science facts, Recipes and interview tips in Telugu Language
మారుతున్న జీవనశైలి, ఆహార అలవాట్లు ప్రస్తుతం ఎంతోమందిని నిద్రకు దూరం చేస్తున్నాయి. నిద్ర సరిగా పట్టక పోవటానికి ఒత్తిడి వంటి పలు అంశాలు దోహదం చేస్తాయి గానీ.. కొన్ని రకాల పోషకాలు లోపించినా నిద్ర లేమికి దారితీస్తుందని అధ్యయనాలు చెబుతున్నాయి. 
పొటాషియం:
నాడులను, కండరాలను నియంత్రించే ఈ పోషక లోపంతో నిద్ర పట్టడంలో ఇబ్బందులూ తలత్తుతాయి. అరటిపండులో పొటాషియం చాల ఎక్కువగా (రోజుకు అవసరమైన మోతాదులో 10 శాతం) ఉంటుంది. అలాగే పొట్టు తీయని ధాన్యాలు, మాంసం, బీన్స్, ఆకుకూరలు, ఉడికించిన ఆలు గడ్డలతోనూ ఇది బాగా లభిస్తుంది.
మెగ్నీషియం : 
ఇది నిద్రను నియంత్రించే ప్రక్రియలో కీలకపాత్ర పోషిస్తుంది. మెగ్నీషియం లోపం మూలంగా కనబడే లక్షణాల్లో నిద్ర పట్టక పోవడమూ ఒకటి. కాబట్టి నిద్రలేమితో బాధపడేవారు మెగ్నీషియం దండిగా ఉండే పదార్థాలు తినడం మేలు. ఆకు కూరలు, గుమ్మడి విత్తనాలు, నువ్వులు, బీన్స్, కొన్ని రకాల చేపల్లో ఇది ఎక్కువగా ఉంటుంది.
విటమిన్ డి: 
ఎదుగుదలకు, ఎముకల దృఢత్వానికి దోహదం చేసే విటమిన్ డి లోపం మూలంగా నిస్సత్తువ, పగటిపూట మగత వంటి లక్షణాలు కనిపిస్తాయి. దీంతో రాత్రిపూట కునుకుపట్టడం కష్టమవుతుంది. రోజూ కాసేపు ఎండలో నిలబడితే మన శరీరమే దీన్ని తయారు చేసుకుంటుంది. కానీ ప్రస్తుతం హడావుడి జీవితంలో చాలమంది దీన్ని పట్టించుకోవడం లేదు. సాల్మన్, సార్డైన్, టూనా వంటి చేపలు, గుడ్డు పచ్చసొనతో కొంత వరకు విటమిన్ డి అందుతుంది. 
తీవ్ర మానసిక సమస్యలకు మందులు వాడుతుంటే బరువు పెరిగే అవకాశం ఉంది. అయితే దీన్ని కూడా వ్యాయామం, జీవనశైలి మార్పులతో తగ్గించుకోవచ్చని పలు అధ్యయనలలో తేలింది.
Continue reading

0
Apurupa Website with Health tips, Science facts, Recipes and interview tips in Telugu Language
ఆత్మీయులను కోల్పోవడం, విడాకులు తీసుకోవడం, ఉద్యోగం నుంచి తోలగింప బడడం వంటి ఒత్తిడికి దారి తీసే ఘటనలను ఎదుర్కొన్నప్పుడు ఎవరైనా తీవ్ర ఆందోళన, నిరాశ, నిస్పృహల్లో కూరుకుపోవం సహజమే. ఇలాంటి సమయాల్లో కొన్ని జాగ్రత్తలు పాటించడం మంచిదని నిపుణులు సూచిస్తున్నారు.  అవి...
  • ఎట్టి పరిస్థితుల్లోనూ మద్యం, మాదక ద్రావ్యల జోలికి వెళ్లకూడదు. ఈ వ్యసనాలు ఒత్తిడిని తగ్గించకపోగా పరిస్థితిని మరింత దిగజారుస్తాయి.
  • ఎప్పుడూ ఒంటరిగా ఉండకుండా,  మిత్రులు, ఆత్మీయులతో గడపడానికి ప్రయత్నించాలి. దీంతో కొంత సేపైనా బాధను మరచి పోవడానికి సాధ్యమవుతుంది.
  • ఆరోగ్యకరమైన ఆహారాన్ని తినడం, వీలైనంత ఎక్కువగా వ్యాయామం చేయడం, తగినంత నిద్రపోవడం చాల అవసరం.
  • మానసిక ప్రశాంతతకు దోహదం చేసే మర్దన వంటి చికిత్సలు తీసుకోవచ్చు
  • వీలైనంత వరకు రోజువారీ పనులను చేయడంపై దృష్టి పెట్టాలి. ఇతరులకు సాయం చేయడం, స్వచ్ఛంద కార్యక్రమాల్లో పాల్గొనడం వంటి పనుల్లోనూ నిమగ్నమయ్యేల చేసుకుంటే అవి ఆత్మ విశ్వాసాన్ని, తృప్తిని కలిగించి, ఒత్తిడి నుంచి త్వరగా కోలుకొని తిరిగి మామూలు మనిషిగా అయ్యేందుకు దోహదం చేస్తాయి.
  • స్నేహితుల, కుటుంబ సభ్యుల, వైద్యులు లేదా కౌన్సెలర్ల సలహా తీసుకొని వారి సహాయం పొందడం మంచిది. ఇది మానసిక ధైర్యాన్ని చేకూరుస్తుంది. నమ్మకం గల వారు మత గురువుల సలహా తీసుకోవడము కూడా మంచిదే.

Continue reading

0
Apurupa Website with Health tips, Science facts, Recipes and interview tips in Telugu Language
  అరటి పండ్లు కడుపులో ఆమ్లాల్ని తగ్గించే ప్రకృతి సిద్ధ యాంటిసిడ్లగా పని చేస్తాయి. అరటిలో పొటాషియం ఎక్కువగా ఉంటుంది. ఇది రక్తపోటును అదుపులో ఉంచుతూ, గుండె ఆరోగ్యాన్ని కాపాడుతుంది. పొటాషియం అధికంగా ఉండే ఆహార పదార్థాలు తీసుకోవడం వల్ల పక్షవాతం ముప్పు తక్కువగా ఉంటునట్లు పలు అధ్యయనాల్లో గుర్తించారు. అరటి వంటి పీచు అధికంగా ఉండే ఆహార పదార్థాలు గుండె జబ్బుల్ని నివారించమే కాకుండా ఎముకల ఆరోగ్యాన్నీ కాపాడతాయి. వీటిలో ఉండే యాంటీసిడ్ ప్రభావం కడుపులో పుండ్లనూ తగ్గిస్తుంది.

  • అరటిపండుతో పోలిస్తే.. అరటికాయలో చెక్కర, ఉప్పు తక్కువగా ఉంటాయి. ఫలితంగా ఆరోగ్యానికి మంచిది.
  • ఎ విటమిన్, పొటాషియం, పీచు వంటి పోషకాలను అరటికాయల నుంచి పొందవచ్చు.
  • అరటిపువ్వుల్లో పీచుతో పాటు మాంసకృత్తులు అస్శాచురేటడ్ ఫ్యాట్ ఆమ్లాలు సమృద్ధిగా ఉంటాయి. వీటిల్లో విటమిన్ ఇ తోపాటు ఫ్లవనాయిడ్లు అధికంగా ఉంటాయి. ఫలితంగా ఆరోగ్యానికి ఎంతో మేలు జరుగుతుంది.
  • అరటిపువ్వును తరచూ తీసుకోగలిగితే, కొన్ని రకాల అనారోగ్యాలు.. ముఖ్యంగా మలబద్ధకం, ఉబ్బసం, అల్సర్ వంటి వాటిని నివారించవచ్చు

Continue reading

0
Apurupa Website with Health tips, Science facts, Recipes and interview tips in Telugu Language
పండ్లల్లో మన శరీరానికి అవసరమైన పోషకాలు, విటమిన్లు ఎక్కువగా ఉంటాయి. ఇవి శక్తినివ్వడంతో పాటు వీటితో పీచు (ఫైబర్) కూడా లభిస్తుంది. కాబట్టి రోజూ పండ్లు తినడం ఆరోగ్యానికి ఎంతో మేలు చేస్తుంది. అయితే జామ పండు తింటే జలుబు చేస్తుందని, అరటిపండు తింటే దగ్గు ఎక్కువవుతుందని.. ఇలా ఎంతోమంది రకరకాలుగా అపోహ పడుతుంటారు. వీటిల్లోని నిజానిజాలేంతో తెలుసుకుందామా....

  •  మధుమేహులు పండ్లు తినరాదు.
మధుమేహులు పూర్తిగా పండ్లకు దూరంగా ఉండాల్సిన పనిలేదు. వాళ్లు కూడా రోజూ మితంగా తినొచ్చు. అయితే చెక్కరల శాతం ఎక్కువగా ఉండే అరటి, మామిడి, సీతాఫలం, పనసపండు వంటి వాటికి దూరంగా ఉండాలి.

  • జలుబు చేసినప్పుడు జామ పండు తింటే అది మరింత తీవ్రమవుతుంది.
జామపండులో విటమిన్ సి, ఖనిజాలు ఎక్కువగా ఉంటాయి. రోగ నిరోధకశక్తిని పెంపొందించే ఇతర పోషకాలూ నిండి ఉంటాయి. అందువల్ల జలుబు, దగ్గుతో పోరాడడంలో జామ పండ్లు మనకు తోడ్పడతాయి.

  • బాగా మగ్గిన పండ్లు హాని చేస్తాయి.
రంగు, ఆకారం మారనంత వరకు నిరభ్యంతరంగా అన్ని పండ్లను తినొచ్చు. చెడిపోయినవి తింటే మాత్రం ఇబ్బందులు కలగొచ్చు. అంతే గానీ బాగా మగ్గిన పండ్లను తింటే ఎలాంటి హానీ కలగదు.

  • రోజూఒకఆపిల్ తినే అలవాటుడాక్టర్ నుండి దూరంగాఉంచుతుంది.
ఒక్క ఆపిల్ మాత్రమే కాదు. అన్ని పండ్లల్లోనూ విటమిన్లు, ఖనిజాలు, యాంటఆక్సిడెంట్లు, పీచు పదార్ధలు వంటివి ఉంటాయి. ఎలాంటి పండు తిన్నా డాక్టర్ కు దూరంగా ఉండొచ్చు. అయితే రోజూ తినాలన్నదే ప్రధానమని గుర్తుంచుకోవాలి.
  • పండ్లు తింటే దంతక్షయానికి దారితీస్తుంది.
యాపిల్, నారింజ వంటివి దంతాలు శుభ్రంగా ఉండేందుకు తోడ్పడతాయి. అయితే  కోన్ని రకాల పండ్లు తిన్నాక నోటిని సరిగా శుభ్రం చేసుకోవడం మాత్రం మరవరాదు. లేకపోతే దంతక్షయం ఏర్పడొచ్చు.

  • పండ్లల్లో కేలరీలు తక్కువగా ఉంటాయి కాబట్టి వీలైనని ఎక్కువగా తినాలి.
మామూలు చెక్కరలతో పాటు పండ్లల్లో కేలరీలు కూడా ఎక్కువగానే ఉంటాయి. కొన్ని పండ్లలో కేలరీలు తక్కువగా ఉన్నప్పటికీ వాటిని మితంగానే తినాలి. చెక్కర మితిమీరితే కేలరీల మోతాదూ మించి పోవటానికి దారితీస్తుంది. ఇది బరువు పెరగటనికి దోహదం చేస్తుంది.

  • పండ్లను పడుకునే ముందు తింటేనే మంచిది.
ఉదయం, సాయంత్రం వేళల్లో మన శరీరానికి గ్లూకోజు, శక్తి అవసరాలు ఎక్కువగా ఉంటాయి. కాబట్టి ఈ సమయంలో పండ్లను తినం మంచిది. పడుకునే ముందు తింటే అప్పటికే బోజనం చేసి ఉంటాం కాబట్టి శరీరంలో మరికొన్ని కేలరీలు పోగవుతాయి. ఇది బరువు పెరగటానికి దారితీస్తుంది.
Continue reading
దీనికి సబ్‌స్క్రయిబ్ చేయి: కామెంట్‌లు (Atom)