యాక్నె (మొటిమల వలన ఏర్పడిన మచ్చలు) పోవాలంటే...

 యాక్నె (మొటిమల వలన ఏర్పడిన మచ్చలు) పోవాలంటే రోజుకు రెండుసారు ముఖంతోపాటు యాక్నె ఉన్న ప్రదేశవుంతా పన్నీటితో కడగాలి.  తాజా నిమ్మరసాన్ని కాచిన పాలలో కలిపి ముఖానికి పట్టించి ఆరిన తర్వాత శుభ్రం చేయాలి. ఇలా రోజుకు రెండు - మూడు సార్లు చేస్తే యాక్నె త్వరగా పోతుంది.

• రోజుకు రెండుసార్లు గోరువెచ్చటి నీటిలో ఉప్పు కలిపి ముఖం కడగాలి.  యూకలిప్టస్‌ ఆయిల్‌తో మర్దన చేస్తే యాక్నె సమస్య తగ్గుతుంది. 
• గుప్పెడు తులసి ఆకులు నీళ్లు కలిపి గ్రైండ్‌ చేసి ఫ్రిజ్‌లో పెట్టి చల్లబడిన తర్వాత ముఖానికి పట్టించాలి. ఇలా రోజుకు రెండు సార్లు చేస్తే మొటిమలు, వాటి మచ్చలుపోతాయి.
• తాజా నిమ్మరసంతో రెండు - మూడు నిమిషాల పాటు మర్దన చేయాలి. రోజూ చేస్తుంటే యాక్నె క్రమంగా తగ్గుతుంది. 
• యాక్నె పోవడానికి అన్నింటికంటే తక్కువ ఖర్చుతో చేసే ట్రీట్‌మెంట్‌ ఇది. టేబుల్‌ సాల్ట్‌లో రెండు చుక్కల నీళ్లు కలిపి ముఖానికి పట్టించి సున్నితంగా మర్దన చేసి ఆరినతర్వాత చన్నీటితో కడగాలి. ఉప్పుకు బదులుగా చక్కెర కూడ వాడవచ్చు.
• మెంతి ఆకులను గ్రైండ్‌ చేసి రాత్రి పడుకోబోయే ముందు ముఖానికి పట్టించి ఉదయం గోరు వెచ్చటి నీటితో శుభ్రం చేసుకుంటుంటే క్రమంగా తగ్గుతుంది. యాక్నెతోపాటు బ్లాక్‌హెడ్స్‌ కూడ తగ్గుతాయి.
• బార్లీ పొడి ఒక కప్పు, ఉప్పు నాలుగు టేబుల్‌ స్పూన్లు, పాలు ఒక కప్పు, స్ట్రాబెర్రీలు రెండు తీసుకుని అన్నింటినీ కలిపి గ్రైండ్‌ చేసి ముఖానికి యాక్నె ఉన్న చోట పట్టించి ఆరిన తర్వాత కడగాలి. ఇలా వారానికొకసారి చేస్తే పూర్తిగాతగ్గుతుంది.
• యాక్నెను తగ్గించడంలో వెల్లుల్లిది ప్రముఖపాత్ర. రోజులో వీలయినన్ని సార్లు వెల్లుల్లిరసాన్ని పట్టించవచ్చు. చిదిమిన వెల్లుల్లితోముఖాన్ని మర్దన చేసినా కూడ మంచి ఫలితం ఉంటుంది.