సోషల్‌ మీడియాలో మీ ప్రైవసీని కాపాడుకుండి.. ఇలా...

ఈ రోజుల్లో సోషల్‌ మీడియా లేకపోతే ఒక్కసారిగా మొత్తం స్తంభించిపోతుందన్న విషయం వాస్తవమే. అయినప్పటికీ, అదే సోషల్‌ మీడియా వల్ల లేనిపోని ప్రమాదాలు మెడకు చుట్టుకుంటున్నాయి. ఈ క్రమంలో ఫేస్బుక్‌, మైస్పేప్ లాంటి సోషల్‌ నెట్‌వర్కింగ్‌ వైబ్ సైట్లు వాడే విషయంలో మీ ప్రైవసీని కాపాడుకోవడానికి, మీ వ్యక్తిగత జీవితంలోకి తొంగిచూసే అధికారం వేరొకరికి ఇవ్వకుండా ఉండడానికి ఈ జాగ్రత్తలు పాటించండి...

• ఫేస్ బుక్‌లో మనకు సంబంధంలేని వ్యక్తులు కూడా అనేకమంది ఫ్రెండ్ రిక్వేస్టులు పంపిస్తుంటారు. వారి గురించి పూర్తిగా చెక్‌ చేసిగానీ మన లిస్టులో యాడ్ చేసుకోకూడదు..

• కొంతమంది, ఫ్రెండ్స్ లిస్టు నెంబరు పెంచుకోవడానికి, ఎవర్ని పడితే వారిని యాడ్ చేసుకుంటూ ఉంటారు. అలా ఎప్పుడైతే యాడ్ చేసుకుంటమో మన ప్రైవసీకి మనమే భంగం కలిగించుకుంటున్నామని గుర్తుంచుకోండి.

• అలాగే, మన ఫొటో ఆల్బమ్ కూడా కొంతమంది కావాల్సిన ఫ్రెండ్స్ కు మాత్రమే షేర్‌ చేస్తే మంచిది..

• మీ వ్యక్తిగత సమాచారం, ఫోస్ నెంబర్లు బాగా నమ్మకస్తులైన వ్యక్తులకు, స్నేహితులకు పర్సనల్‌గా ఫోస్ చేసి మాత్రమే ఇవ్వండి.. అంతేగానీ, ఛాట్‌బాక్స్‌లో గానీ, ఇతర సోషల్‌ మీడియా మాధ్యమం ద్వారా గానీ ఎక్స్‌ఛేంజ్‌ చేసుకోవద్దు.

• అలాగే, మీ ఫేస్ బుక్‌ కాంటక్ట్‌ ఇన్ఫర్మేషన్ లో మీ ఫోస్ నెంబర్లు గానీ, ఇంటి అడ్రస్  వివరాలు గానీ ఎట్టి పరిస్థితుల్లోనూ ఇవ్వవద్దు.

• ఎవరైనా అపరిచితులు వ్యక్తిగతంగా మీకు మెయిల్స్ పంపి, స్నేహం చేయడానికి ఆసక్తి చూపిస్తే, మీ విచక్షణను బట్టి నిర్ణయం తీసుకోండి. అంతేగానీ, పర్సనల్‌ సమాచారం ఇచ్చి రిస్క్ తీసుకోవద్దు.

• కొంతమంది ఒక ప్రత్యేకమైన అప్లికేషన్ల ద్వారా ఆన్ లైన్ గేమ్స్ ఆడాటనికి మీకు రిక్వేస్టులు పంపుతారు. మీకు ఆసక్తి ఉండి, వారితో పరిచయం పెంచుకోవాలనుకుంటే, అది గేమ్ వరకే పరిమితం చేయండి.అంతేగానీ, మీ పర్సనల్‌ ఆల్బమ్స్,, నోట్స్‌కు వారికి యాక్సెస్ ఇవ్వద్దు.

• మీకు ఎవరిమీదనైనా అనుమానం కలిగినా, నమ్మకం పోయినా, లేకపోతే వారు మీకు అంత ప్రాధాన్యం ఉన్న వ్యక్తిగా అనిపించకపోయినా, వెంటనే మీ ఫ్రెండ్‌స లిస్ట్ లోంచి డిలీట్‌ చేయండి. ఇలా చేయడం వల్ల  నష్టమేం లేదు.

• మీ మెయిల్‌కు అసందర్భంగా ఎవరెవరో అపరిచితులు పదే పదే మెయిల్స్ పంపిస్తుంటే, ఆ మెయిల్‌ ఐడిని సాధ్యమైనంత వరకూ మార్చేయడమే మంచిది.

• అన్నింటి కన్నా ముఖ్యమైన విషయం ఏమింటే, మీ ఫేస్బుక్‌, ఇ-మెయిల్‌ పాస్ వర్డ్ని ఎవరికీ బహిర్గతం చేయకూడదు.

• ఎవరైనా మిమ్మల్ని టర్గెట్‌ చేసి, మిమ్మల్ని వేధించడానికి సోషల్‌ మీడియాను ఒక వాహకంగా ఉపయోగించు కుంటున్నారని భావిస్తే, వెంటనే ఈ విషయాన్ని ఆలస్యం చేయకుండా పోలీసులకు తెలియజేయండి. ఇటువంటి కేసులను పరిష్కరించడం కోసం ప్రత్యేకంగా సైబర్‌ పోలీస్ విభాగం పనిచేస్తోంది.