పండాంటి బిడ్డ కొసం... గర్భిణీలకు కొన్ని సలహాలు, సూచనలు

• మీరు ప్రశాంతముగా, సంతోషముగా ఉంటే మీ శిశువు కూడా అలాగే ఉంటుంది .
• ఆరోగ్యమైన శిశువు కొరకు అన్ని కలిసిన పౌష్ఠిక ఆహారం ఎక్కువ పాలు, పండ్లు, ఆకుకూరలు,  పప్పు, మాంసము, చేపలు వంటి బలవర్ధక మైన ఆహరం తీసుకోవాలి.
• డాక్టర్ పై విశ్వాసం ఉంచి వారి సలహా పాటించండి. స్వంతంగా మందులు వాడకూడదు.
• అనవసరమైన భయం ప్రసవ సమయాన్ని కష్టతరము చేస్తుంది. గర్భము, ప్రసవము సృష్టిలో సర్వసాధారణ విషయాలని గుర్తుంచుకోండి.
• పొగత్రాగేవారికి, మధ్యపానము చేసే వారికి దూరంగా ఉండండి,



Tips for  Pregnants

• ఎక్స్-రే తీయించుకోవడం వంటివి చేయకండి.

మొదటి ఆరు నెలలూ నెలకొకసారి, ఏడు, ఎనిమిది నెలల్లో నెలకు రెండుసార్లు, తొమ్మిదవ నెలలో వారానికొకసారి వైద్య పరీక్ష అవసరం.

• ఎత్తు మడమల చెప్పులు వాడకండి.
• కుదుపులు కలిగేటట్లు ప్రయాణము చేయకండి.
• బిడ్డకు చనుపాలు ఇవ్వడానికి వీలుగా తీసుకోవలసిన జాగ్రత్తలను గురించి చివరి 3 నెలలలో డాక్తర్ సలహా అడగండి.
• మొదటి మూడు నెలలు, చివరి 2 నెలలు, ఈ క్రింది పేర్కొన్నవి చేయవద్దు :

1.  దూర ప్రయాణము
2.  కారు, స్కూటర్ నడపడం.
3.  అతిగా సంభోగము 

• నిద్ర పోవునపుడు ఒక ప్రక్కకు (వీలైతే ఎడమ వైపు) పడుకోవడం మంచిది.
• సుఖప్రసవానికి - బ్రీతింగ్ వ్యాయామాలు, శరీర బరువు పెరగకుండా ఇతర వ్యాయామము డాక్టర్ సలహా ప్రకారము చెయ్యండి.
• క్రమబద్దమైన విశ్రాంతి అనగా : రాత్రి 8 - 10 గంటలు, మధ్యాహ్నం 1 గంట అవసరము.
• ధనుర్వాతం బారినుండి రక్షణకొరకు టి.టి. ఇంజక్షన్స్ తీసుకోండి.
• కుటుంబ నియంత్రణ సలహా కొరకు ప్రసవమైన 6 వారాల తర్వాత డాక్టర్ ని సంప్రదించండి.

ఈ క్రింది పరిస్థితుల్లో వెంటనే డాక్టర్ ని సంప్రదించండి.

1.  రక్తస్రావము
2.  ఉమ్మనీరు పోవడం
3. శిశువు కదలిక తగ్గినట్టుగాని, ఆగినట్టుగాని అనిపించినపుడు
4. నొప్పులు రావడం